由一次傾偈開始。
訂製唔係買嘢——係將你講唔出口嘅嘢，翻譯成一件戴得住嘅物質。
我 做 嘅 嘢「訂製」兩個字，唔係你諗嗰樣。
好多人諗起訂製，就係：揀個款、改個字、加粒石。我做嘅嘢唔係咁。
搵我訂製嘅人，多數係心入面有一件事——一段感情、一個道歉、一個想紀念嘅人、一個想記住嘅 moment——但唔知點樣講出口。我嘅工作，第一步係聽。
聽完，我將嗰件事翻譯成一件戴得住嘅嘢：用邊種石、邊種金屬、咩結構、咩細節——每一個決定，都係你嗰段故事嘅一部分。
跟住我親手跟到底：出設計圖、報實價、跟廠起版、逐吋驗收——我以前份工係幫人驗鑽石， 到而家仲有廠方同品牌方搵我做出貨檢測。你件嘢出自邊個手、經過幾多重檢查，我全部答到你。
一句講晒：你負責你件事，我負責將佢變成物質。
所以你唔使識講、唔使識珠寶、更加唔使諗定個款。你淨係需要肯坐低，同我傾一次。 下面係成個流程，每一步、每一蚊，寫到明。
壹開始
-
申請＋WhatsApp 夾時間
網上畀設計費 HK$800，跟住 WhatsApp 我——傾兩句，夾一個大家都得嘅時間。 呢 $800 包咗成個「開始」章節——見面傾偈，加 2–3 個設計方向。
-
見面傾 1–1.5 小時
我工作室、你 office、或者一間安靜嘅 coffee shop 都得。 傾嘅唔係款式——係你想記住乜、送畀邊個、日常會點戴。
-
設計圖
傾完之後，我會畀你 2–3 個設計方向。 落實訂製嗰陣，$800 會全數喺訂金度扣返——即係行落去，設計等於免費。
貳落實
-
確認尺寸
戒圍、鏈長、佩戴習慣——落實晒先報價。
-
報實價
按最終設計、材質、石，報一個實價。冇「大約」，冇追加。
-
落訂 75%＋鎖定設計
轉數快（FPS）／現金／銀行過戶。落訂嗰刻，設計同價錢一齊鎖死。
-
起版 2–3 星期
視乎複雜程度。有死線（求婚日、紀念日）請一開始就話我知。
叁交收
-
完成拍攝
每一件作品我都會拍低，加入 作品與故事——你嘅故事，會靜靜咁畀下一個人力量。
-
交收
見到實物，滿意，先清餘款 25%。
關於嗰 $800
佢唔係「收費」，係大家互相認真嘅開始。包 1.5 小時傾偈＋2–3 個設計方向； 落實訂製全數扣返。而如果傾完之後，我覺得自己接唔到你呢一單——$800 全數退返畀你。
關於預算
多數訂製個案喺 HK$6,800–25,000 之間。 老實講：入門價位做唔到 K 金——金價擺喺度。銀定 9K、點樣喺預算入面做到最好， 見面嗰陣我會直接同你講，唔會氹你加碼。 預算未到？可以先睇 現貨系列。
關於時間
落訂後起版 2–3 星期。由第一次見面到戴上手，預一至兩個月會舒服啲—— 紀念日、求婚日呢啲死線，越早講，我越幫到你。
常 見 問 題你想問嘅，多數喺呢度。
我完全唔識珠寶，會唔會好蠢？
唔會。唔識先啱——識聽嘅係我。你只需要講你件事；揀石、揀金、諗結構嗰啲，係我孭。十二年嚟搵我嘅人，大部分都係第一次訂製。
設計費點計？
HK$800，包 1.5 小時面談加 2–3 個設計方向。落實訂製全數喺訂金扣返；如果傾完我覺得接唔到你呢單，$800 全數退返。
由開始到戴上手要幾耐？
落訂後起版 2–3 星期。連埋傾偈、設計、確認嘅來回，預一至兩個月會舒服啲。有死線就一開始講。
訂製門檻幾多？
HK$6,800 起，多數個案喺 HK$6,800–25,000 之間。預算未到，可以先睇現貨系列，或者直接同我講你嘅諗法，我老實話你知做唔做到。
屋企有舊金舊石，可唔可以改造？
可以，仲係我強項——傳家嘅嘢重新戴得返，好多時比買新更有意思。但醜話講在前：舊金我一定會溶咗、確認咗係貴金屬先開工，即係件舊嘢唔會原件保留；金只接 14K 或以上；舊石會逐粒驗過先話你知用唔用得。
我唔喺香港，做唔做到？
做到。面談改視像，一樣傾足 1.5 小時；尺寸我教你遙距量準。成品寄畀你，運費由你承擔，報價嗰陣會一齊講清楚。
見面之前要準備啲乜？
乜都唔使。有相關嘅相、舊首飾、或者一段你想講嘅嘢，帶埋嚟更好——但唔係必須。張凳坐低，個故事自然會出嚟。
落咗訂之後反悔，訂金退唔退？
唔退。落訂嗰刻我已經開工——買料、起版，件事郁緊。所以落訂之前，設計、尺寸、報價我會逐樣同你確認清楚，你點頭我先開始。
保養收唔收錢？
基本保養——清洗、執光、檢查——終身免費，拎返嚟就得。