Jewellery That Listens
將你講唔出口嘅嘢，變成戴得到嘅物質。
我係 Ada，Da Things 嘅創辦人。
由做 GIA 鑒證師開始，到後來做印度高級珠寶商嘅私人助理、高級鑽石批發代表——我用咗 8 年時間，學識點樣鑒別一粒鑽石。
但我做 Da Things 12 年，學識嘅係另一樣嘢：
點樣鑒別一個人想講、但講唔出口嘅嘢。
有一位先生搵我做一個吊墜。
佢同太太都係做上市審計，疫情期間佢錯過咗太太喺醫院生女嘅過程。佢冇直接同我講「我覺得內疚」，但我聽得出。
我諗起欖球員出場前圍圈搭膊頭嘅畫面——一家三口，一個 team。
最後做出嚟，係一件可以三人獨立配戴、亦可以合而為一嘅吊墜。
佢太太收到嗰刻喊咗。先生同我講嘅時候，我一開始以為自己做錯嘢。原來唔係——係因為太太終於感受到，先生對嗰段缺席嘅內疚，同對佢嘅重視。
呢件事之後我先明，我做嘅唔係訂製珠寶。我做嘅係翻譯。
由鑒別鑽石，到鑒別內在價值
1鑒別
用 8 年鑒證行業訓練——睇鑽石、睇證書、睇結構、睇金屬。亦都，睇人。睇你送禮背後想講但講唔出口嘅嘢。
2聆聽
聆聽係我天生嘅嘢。朋友通常喺佢哋最低嘅時候搵我，所以我習慣咗聽人未講嘅嗰部分。你想送畀邊個、想道歉、想表達愛、想紀念一個人生階段——我會聽到你自己都未必清楚講到嘅嗰層。
3翻譯
將你內心嗰份未成形嘅嘢，變成可以戴住一世嘅物質。揀邊種寶石、邊種金屬、邊種 finishing、邊種結構——每一個決定，都係呢段內在故事嘅翻譯。
呢對手，做過嘢，亦教過人。
我唔係嗰種淨係畫圖嘅設計師。鑄造、鎚打、打磨、鑲石——呢啲工序我自己落手做過好多年，亦開過班，教人由一嚿銀開始，做出自己第一隻戒指。
而家我唔再開班喇。但正因為我識做，我先知道一件嘢喺工場入面會經歷啲乜——邊度可以慳，邊度絕對唔可以慳。
直到今日，仍然有廠方同品牌方搵我做出貨檢測。行內合作詳情 →
學員親手做嘅銀戒——由一嚿銀，到戴得上手。 我特別想服務嘅人
- 經歷人生轉折嘅女性——離婚、痊癒、重生、繼承——想為自己做一件信念珠寶
- 想表達歉意、感激、承諾，但唔識用文字嘅人
- 相信珠寶可以承載故事、唔只係配飾嘅人
喺最頂層嘅奢侈品世界，珠寶往往只係「錢換錢」嘅媒介。但珠寶嘅本質從來都係：一個精神寄托，一份承諾，一個物質化嘅紀錄。
如果你想用珠寶記低一個重要嘅 moment，我喺度。
📍 香港・工作室預約制